湯湯水水從來對於一個家庭嘅晚餐佔咗一大元素。係維繫一個家庭嘅重要角色。試諗吓，啊媽最鍾意叫搬咗出去嘅細路返屋企食飯就會話：「 返嚟食飯啦，今晚煲咗湯！」 所以我哋想用一句こんばんは (廣東話：干爸哇（譯：晚上好））帶出湯水係每晚晚餐重要嘅一環，務求將好嘅湯包成為您家庭嘅聯繫嘅一份子！

我哋係一個小本經營嘅家庭，舉家移民到英國。發現呢度同擁有高質素嘅湯水仲有一段好大嘅距離，所以希望用一點綿力，為大家身體，胃口帶嚟足料，好味，同家嘅感覺。等大家唔洗慌失失，又買唔到您值得擁有嘅湯水！

我哋為咗保持食物新鮮嘅品質，所以會喺確認訂單之後先開始喺香港進行高品質真空包裝，再以空運嘅方式帶到英國呢片土地。到埗後我哋會再檢查貨品多次先用本地運輸寄出。因為小本經營，所以暫時淨係可以帶到比住喺英國嘅朋友仔！但係您信我哋，我哋會努力令到他朝一日，我哋可以為更多地方嘅朋友仔服務！ 本地送貨服務： 一般訂單將於14日內送達收件地址。視貨存而定。 免運費！免運費！免運費！重要嘅嘢真係要講夠3次！買滿£70，即可享有免費本地送貨服務。 ​DPD (UK) – 運費：如購物未滿£70就需要£5運費。 面交吹水服務： 住倫敦同特別係 GU postcode 嘅朋友仔就有福啦。我哋可以約出嚟面交，順便交個朋友。如果選擇呢種方式，就記得留低WhatsApp電話，我哋可以喺WhatsApp約。

湯包 涼茶 乾貨 海味 ... 應有盡有 仲有!!! a) 度身訂造服務幫您搜羅各式各樣嘅上等食材 b) 幫您打造月飲計劃令您保養出一個強而有力嘅波啲 c) 為想身體健康嘅您建議最適合嘅食材組合 總之有咩需要就WhatsApp我哋啦！

湯包：陰涼乾爽地方最為適合 涼茶：陰涼乾爽地方最為適合 乾貨：未開封就放入雪櫃菜格，開封後就建議入密實袋再放雪櫃。主要係需要保持乾爽。 注意：產品乃係天然食材，有機會出現蟲蛀。建議開封後入密實袋放入雪櫃 (0-8°C) 保持新鮮！

一般嚟講，由由於我哋貨品經過真空處理再加入防潮包，所以只要保存得夠乾爽，生穀牛或者發霉嘅情況係好難會出現。一般保鮮期係大概4-6個禮拜，所以如果係湯包，涼茶就記得喺BEST BEFORE 前就煲咗嚟飲。 所以如果真係生穀牛或者發霉，就唔建議食用。所以都係嗰句，唔好囤積太多貨，以免浪費。